Z Chóśebuza/Cottbus. Chtož jo se slědny tyźeń srjodu wobźělił na pósejźenju serbskego wuběrka wokrejsa Sprjewja-Nysa, ten jo tam zgónił a słyšał wjele nowego a rědnego. Mimo cłonkow togo gremiuma su byli k tomu teke młoge gósći pśepšosone do Dolnoserbskego internata w měsće, mjazy nimi Harald Altekrüger, wokrejsny raźc, Katrin Šwjelina, pśedsedaŕka bramborskeje Serbskeje rady, a Měto Nowak, referent w bramborskem kulturnem ministaŕstwje.