Z Wjerbna/Werben. W ramiku Domowniskego a drastwinego swěźenja a 675. jubileja jsy Wjerbno jo tamnjejša młoźina njeźelu, 28. awgusta, kokota łapała. Pśi rědnem wjedrje su hunderty luźi, kenž su se woglědali wjeliki swěźeński pśeśěg na głownej droze, do směra wjerbańskego sportnišća wandrowali, aby pśiglědowali młoźinje pśi łapanju kokota. Taku wósebnu swěźeńsku atmosferu a kopicu narskich woglědarjow – mjazy nimi teke turisty a gósći z drugich wokrejsow – cesto njejo wejsna młoźina how dožywiła. Młoźinski šef Marius Richter jo jich wuwitał a pótom wuznam starego nałoga kokot rozkładł. W serbskej rěcy stej to Lilli Zanderojc a Lena Melnikoffojc wóspjetowałej, což jo teke zajm cuzego publikuma wubuźiło.