Trjebin/Trebendorf. Tudy na Šusterojc dwórje su tśeśu njeźelu junija na měchawach grali. Sedym góźinow jo muzika rozlěgała we stanje a luźe su byli rozpalone.

Pó slědnem wjelikem mjazynarodnem festiwalu graśa na měchawje w Slěpem su kśěli teke Trjebinske raz byś gósćinarje togo swěźenja, a to na Šusterowem dwórje. Pśepšosenju do Trjebina jo slědowało wósym kupkow z Pólskeje, Českeje a Nimskeje z wušej 150 sobustatkujucymi. To su byli měchawarje, rejowarje a spiwarje. Regionalna powědarka Domowinskeje župy „Jakub Lorenz-Zaleski“ Diana Maticowa jo nam pśeraźiła: „Wšykne wobźělniki lětosnego festiwala su byli tež južo pśipódla na drugich festiwalach abo tšojenjach Slěpjańskeje wósady.“