Z Dešna/Dissen. Južo dlej ako dwa mjaseca jo to mimo, což jo se tšojło na kóńcu junija a na zachopjeńku julija w dalokej Korutańskej w Awstriskej. Zgromadne „Serbske mustwo“ jo se tam na
Europeaźe wudobyło mjazy 19 mustwami z cełeje Europy jadno tśeśe městno. To jo było za mustwo, za Serbow a za cełu Łužycu wjelike tšojenje, wjelgin wjeliki wuspěch. Togodla jo teke hyšći źinsa cesto to grono wó tom, tak ako njedawno w Dešnje. Tam ga jo towaristwo „Serbske koparje/Wendische Auswahl“ pśepšosyło 26. awgusta swójich cłonkow, Domowinsku kupku Dešno a dalšnych gósći na głownu zgromaźinu w tamnem nowem centrumje wognjowe wobory.
Wót tych źaseś balokoparjow z Dolneje Łužyce, ako su sobu grali w Serbskem mustwje, jo pśišło pěśo na tu zgromaźinu w Dešnje. Dwa wót nich stej pśibytnym wulicowałej, co stej
dožywiłej na Europeaźe. Dominik Krötel z Hochoze jo gronił, až hyšći njejo ako „wejsny gólc“ žedne take něco rědnego a wjelikego
dolabował. Smy byli raz za jaden tyźeń pšawe