Z Chóśebuza/Cottbus. Schadowanka jo tenraz južo w septemberje. Wjele jo pśigótowała Simone Poetzschowa. Kak to buźo, jo Stefanie Krawcojc kśěła wót njeje wěźeś.

Lětosa jo Schadowanka w septemberje. Cogodla?

Dolnoserbski gymnazium (DSG) změjo w septemberje 70. jubilej. My ako serbska załožba smy to wiźeli ako góźbu, tu 38. Schadowanku zgromadnje z tym jubilejom swěśiś. To buźo 10. septembera, a to pód gołym njebjom, śopło dosć drje buźo. Wušej togo su 11. septembera wólby w Měsće, teke w jadnom domje togo DSG. Toś njamóžomy wužywaś kafeteriju za naš swěźeń. Pśeplanowanje, to by radne wušparanja sobu pśinjasło. Něnto buźo Schadowanka na šulskem dwórje, pśez to buźo zeger 22:00 kóńc z muziku. Tak jo to Město pśedpisało. Na to se pak pśizamknjo na drugem městnje něco rědnego: Kolektiw Wakuum pšosy wót zeger 22:00 w klubje Bebel na koncert ze serbsko-waliziskim pśijaśelstwom.

Sćo gótowe ze pśigótowanjami?

Pśecej jo źěło, až do kóńca. Nejwěcej mamy cyniś we slědnych dnjach, organizacija z wuměłcami, catering, security a to rozpósłanje kórtow.

Co jo na programje?