Na ilustracijach Nowego Testamenta w biblijach za źiśi wiźiš Jezusa zwětšego hejnak na špacěr. Pśi dobrem wjedrje a bźez brěmjenja dunda ze swójimi wuknikami pó israelskem kraju. Ale samo ako wandraŕ by nanejmjenjej brěmuško z pśikšywom abo lagwicu wódy pśi sebje měł. Studnjow a žrědłow běšo rědko w Israelu a wón jo z wuknikami pěšy ducy. Ale zamóla! Pśi tom njejo Jezus turist za krotki dowol. Wón jo swójo powołanje ako kamjenjaŕ, kenž rowy a bydlenja do skały bijo, zaměnił za žywjenje ako drogowański prjatkaŕ až do kóńca žywjenja.