Z Dešna/Dissen. Koordinator Sven Vogt a powědaŕska rada Łužyskeje muzejoweje krajiny stej slědny stwórtk zastupnikow medijow do Dešna pśepšosyli, aby wšykne zarědowanja w ramiku 18. Nocy muzejow pśedstajiłej. K tomu su se zmakali krajny raźc wokrejsa Sprjewja-Nysa, Harald Altekrüger, Babett Zenkerowa, wjednica Dešańskego domowniskego muzeja, a wěcej ako 30 muzejownikow z 32 wobźělujucych institucijow, mjazy nimi tśi, kenž su k prědnemu razoju pódla. A to su Grod w Lěšćach, Sykaŕnja Chójna pla Baršća a Romy-Schneider-muzej we Łołojcu. Pód motom „Zgromaźowanje zwěžo“ wótwóriju domowniske śpy, techniske pomniki a kulturne institucije swóje źurja źělnje až do połnocy, aby woglědarjam doglěd do muzejowych zběrkow dali. Na styrich kóńcach tyźenjow w septembrje prezentěruju wóni wjelerakosć programow, ako wósebne wjeźenja, koncerty, cytanja, kabarety a akcije za sobugótowanje. Wjele muzejow póbitujo teke wósebne programy za tych nejmjeńšych, na to pokažo w flyeru Łužyskeje muzejoweje krajiny kobołśik Kobi. Wón pśepšosyjo źiśi mjazy drugim 3.