Z Budyšyna/Bautzen. Mjazynarodny lěśojski kurs za serbsku rěc a kulturu, kenž Serbski institut w dwělětnem rytmusu pśewjeźo, jo lětosa měł 52 wobźělnikow z Nimskeje, z USA, z Pólskeje, z Českeje, z Japańskeje, z Benina, z Italskeje, z Ukrainy a z Francojskeje. Až na slědne městno jo był ten kurs połny. Wjele zajmcow jo pśišło na kurs wjele raz. Mjazy nowackami stej byłej Anna Wróbelowa a Anna Świstunowa, dwě kašubskej kursisće.