Z Miłoraza/Mühlrose. Smy na samem krotkem wjacorje Miłoraza, pśi Rulojc młynje. Ten młyn jo wjelgin blisko Nowego Města pśi Sprjewi. Togodla jo wjele luźi gódało, až Rulojc młyn rowno tej jsy pśisłuša. Z napóranim granice mjazy wokrejsoma Budyšyn a Zgórjelc jo se ta wěc wujasniła. Stakim: Rulojc młyn pśisłuša Miłorazoju, a stakim ku wokrejsoju Zgórjelc!
Pśi Rulojc młynje jo pjerwjej stojała papowa fabrika. How jo něga jěła Mužakojska gólna zeleznica. Ta zeleznica jo teke pód wódu Sprjewi do Čelna (Tzschelln)jěła, teke tam jo była papowa fabrika. To techniske wugótowanje a wšake rědy teje papoweje fabriki w Rulojc młynje mógu se woglědarje źinsa woglědaś w bliskem parku za lichy cas. Na taki part jo ta industrijowa zachadnosć tych stronow tam zdźaržana.