Z Chóśebuza/Cottbus. W drugem ferijowem tyźenju jo Franciska Albertowa, młoźinska koordinatorka Domowiny w Chóśebuzu, źiwadłowy projekt za źiśi zarědował, źož jo se dwanasćo źowćow we starstwje wót sedym do dwanasćo lět wobźěliło. Pśedstajili su młode „grajaŕki“ ten źiwadłowy kusk „Stara lipa wulicujo“ narskim a napnětym starjejšym, starym starjejšym a drugim zajmcam, a to slědny pětk w kafeteriji Dolnoserbskego gymnaziuma.