Z Brjazkow/Brieske. W ramiku cyklusa „lyriske lětne case“ stej basnikarja Yana Arlt a Wolfgang Wache pśepšosyłej sobotu, 2. julija do kolonije górnikarja a zagrodowego města Marga na lěśojske cytanje. Pśed głownym programom jo nejpjerwjej pěsnjaŕ Bernd Pittkunings pśedstajił swóje spiwy a wulicowańka, a wuměłcowka Wenke Richter jo pśewjadła mólaŕsku źěłaŕnju za źiśi. Pótom jo se zachopiło lyriske drogowanje pśez zelene brjazkojske zagrody a na kuždej staciji jo jaden basnikaŕ ze swójeje twóŕby cytał.