Z Chóśebuza/Cottbus. Slědnu sobotu jo se wótměło na Bramborskej techniskej uniwersiśe (BTU) Chóśebuz-Zły Komorow na campusu w Knorawje pósejźenje „Póraźujuce žywjenje we Łužycy – serbske perspektiwy we strukturnej změnje“. Spěchowało, iniciěrowało a pódpěrowało jo se to wót BTU Chóśebuz-Zły Komorow, załožby Rosa Luxemburg a Serbskego instituta. Koncept za wóne zarědowanje jo wujšeł wót Daniela Häfnera wót Łužyskego instituta, ako južo w lěśe 2013 z pódobnym zarědowanim „Pšawa indigenych ludow na pśirodnych srědkach a Serby“. Tenraz su byli słyšaś pśinoski wót Kariny Limonta Vieira (BTU Chóśebuz-Zły Komorow) „projekt Rondon – póraźujuce žywjenje w brazilskem krajnem rumje“. Juliany Nowakoweje Napoles /BTU Chóśebuz-Zly Komorow) „projekt EuraPrax -poraźujuce žywjenje we Łužycy“, Martina Gilhofa (iniciatiwa młoźina a kultura) „projekt Dommunity Organizing w Chóśebuzu-Žandowje“, Lutza Laschewskego (Serbski institut) „Serby ako gmejna praksy“, Hartnuta Leipnera (Domowina) „Strukturna změna – šansa za Serbow?“ a Remi Carbonneau (Serbski institut) „Institucionelna dopołnosć pla Serbow?“.