Z Kśišowa/Krieschow. Slědny stwórtk su se zmakali krajny raźc wokrejsa Sprjewja-Nysa, Harald Altekrüger, šulski wjednik a cełkowneje šule Sprjewja-Nysa w Gołkojcach, René Schulz, wjednica kśišojskeje zakładneje šule, Simone Golzbuderowa, a wjednik Domowiny Dolna Łužyca projekt ptzwr, Frank Kosyk, w Kśišowje. Wóni su pódpisali kooperaciske dojadnanja, aby se rozšyrili póbitowanja pśidatnych kursow zwenka wucby. Z tym změju wuknice a wukniki sedymego lětnika noweje cełkowneje šule wót šulskego lěta 2022/2023 dwě góźinje serbsku wucbu.

Pó małem muzikaliskem a rejowańskem programje serbskich wuknikow jo krajny raźc, Harald Altekrüger, gósći wuwitał a wó nowej šuli a dobrej kooperaciji powědał. Wón jo hyšći pódšmarnuł, kaki wuznam serbska rěc a kultura matej a dla togo jo to tak wažne wobej na nowej šule póbitowaś.

Laura Šmytojc, ceptaŕka za serbšćinu na kśišojskej šuli, buźo a pśeduce šulske lěto serbsku wucbu tam pśiwześ. „Ze źěłoweju gromadku com serbsku kulturu a identitu dalej dawaś. Pśez gromadne źěło źiśi deje cuś, až Serby teke zwenka wucby su aktiwne.“, wóna groni.