Z Podstupima/Potsdam. Wałtoru, dnja 28. junija, stej se zmakałej Rada za serbske nastupnosći Bramborska a Sakska serbska rada w krajnem sejmje w Podstupimje. Na dnjownem pórěźe jo wósebnje strukturna změna we Łužycy wažnu rolu grała a z tym zwězane dolno- a górnoserbske projekty, kenž budu financěrowane ze srědkow spěchowańskego programa „Serbska rěc a kultura w změnje struktury“. Teke dwa slěźeńskej wjelikoprojekta w brunicowej krajinje Łužyca stej se pśedstajiłej, kenž stojtej w fokusu zwězkowego ministaŕstwa za kubłanje a slěźenje (BMBF). Dalšne temy su byli „Plan napšawow sakskego kněžaŕstwa k wuskoboźenju a wóžywjenju wužywanja górnoserbskeje rěcy“, „Krajny plan k mócnjenju dolnoserbskeje rěcy w kraju Bramborska“ a wuměna wó zapśěgnjenju wobeju radowu do wšakorakich krajnych strategijow.