Bramborska wustawa wordujo změnjona

Awtor: Stefanie Krawcojc stwórtk, 30. junij 2022

Z Pódstupima/Potsdam. Stwórtk, 23. junija, su w bramborskem krajnem sejmje powědali dla změny krajneje wustawy. Cil debaty jo był, až změniju bramborsku wustawu (Verfassung). Něnto jo jasnje: knap wětšyna parlamentarijarjow jo gronił „jo“ ku tym změnam. Wušej togo budu něnto druge regule płaśeś, což nastupa to wuzwólowanje wiceprezidenta: W pśichoźe źo jaden teju „wice-postowu“ na jadnu opozicisku frakciju. To groni, až njezmějo wěcej ta nejwětša opoziciska frakcija we tom sejmje awtomatiski to pšawo, wiceprezidenta pomjeniś.

Do wustawy budu dalej pśipisaś, až wótwoboranje antisemitizma a anticiganizma wordujotej statnej cila, a až žydojska kultura dej se spěchowaś. Wušej togo wuzwignjo wustawa w pśichoźe pśijaśelstwo z Pólskeju, a luźe budu pśigranjaś ze žeńskeceju a muskeceju formu („genderowaś“). Teke spěchowanje dolnonimskeje rěcy dej se zakolkowaś.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś

Nowy Casnik online skazaś