Z Wórjejc/Hoyerswerda. Pśigótowanja za 14. Serbski ewangelski domowniski źeń pśidu doprědka. Wó tom jo informěrował Heinrich Koch, faraŕ Ewangelskeje Jańskeje wósaźdy Wórjejce-Stare město. Wón jo jaden wót 15 cłonkow źěłoweje kupki, kótarež se stawnje zmakaju dla pśigótowanja.
„Źeń se zachopijo zeger 10:00 ze nimsko-serbskeju namšu z Bóžym blidom w Jańskej cerkwi. Wobźělniki su Chor Židźino (Seidewinkel), kantor Johannes Leue, predikant Manfred Hermaš z Rownego, faraŕ Stefan Reichelt z Blunja a druge“, rozkładujo Heinrich Koch. Jan Malink, serbski superintendent Sakskeje krajneje cerkwje wót 2003 do 2020, swěśi namšu z wobźělnikami. Za nej-młodšych buźo źiśeca namša.