Z Chóśebuza/Cottbus. 21. wurědna głowna zgromaźina Domowiny jo se pětk, 3. junija, we Wuměłskej hali Łužyca dokóńcyła. Wóna bu na pórucenje cłonkojskich towaristwow a župow zwołana. Jadnučka tema jo była změna wustawkow Domowiny. Na łońskej głownej zgromaźinje wobzamknjone změny wustawkow njejsu se wót amtskego sudnistwa pśipóznali. Toś jo zwězkowe pśedsedaŕstwo pśeźěłanu pśedłogu pśedpołožyło. Ta jo wopśimjeła naraźenja, kótarež su se na trjebnych městnach wuzamóžnili.