Z Noweje Jsy/Neuendorf. Wót lěta 2018 maju wobydlarje w Nowej Jsy w Picańskem amśe swóju bejnje tłustu a wobšyrnu wejsnu chroniku „Die Geschichte des Dorfes Neuendorf (Nowa Wjas) von den Anfängen bis zum Jahr 2018“. Na 550 bokach móžomy w tych knigłach teke wšake cytaś wó tom, kak su tam sportowali a kak jo to było wšykno organizěrowane. Na jadnasćo bokach namakajomy k tomu młoge zajmne powěsći a informacije a k tomu žedne historiske fota.