Z Chóśebuza/Cottbus. Na zajźonej srjoźe jo se małka gjarstka luźi zmakała na Serbske blido w Serbskem muzeju, aby se rozgranjali wó temje: „Nowe serbske nałogi w maju – abo jano nachwatanje wupadnjonych zapustow?“ Gósć jo była Ines Neumanojc z Limbarka, ako se derje wuznajo z ludowymi nałogami we jsach. Wóna jo se južo wob cas studiuma zaběrała ze serbskimi tradicijami.