Ze Smogorjowa/Schmogrow. Na pśedwjacorje 1.maja jo se pó dwělětnej pśestawce teke w Smogorjowje zasej majski bom stajał. Majski bom słuša južo stolěśa dłujko k tym nalětnym nałogam we Błotach. Fryšna brjaza na tych bomach symbolizěrujo wócuśetu naturu a zachopjeńk wegetacije. A teke, gaž źinsajšny źeń jano hyšći małko luźi se žywi wót tych płodow na poli, jo se wóny nałog až do źinsajšnego zdźaržał.