Ze Slěpego/Schleife. W Slěpem jo był kóńc tyźenja zasej rědny swěźeń za wše generacije. Skóńcnje zasej palenje chódoty w regionje! Slěpjańskemu wjednikoju wognjoweje wobory Mario Klaroju jo padnuł kamjeń z wutšoby. Pó dwěma lětoma se zasej how a tam pali, a te wognja ga deje złe duchy zymy wugnaś. Tak młoge su byli teke prědny raz pódla; wósebnje młodše kamerady. A młoge jo se musało teke organizatoriski změniś. Rowniska kapała šalmajow jo wjadła pśeśěg z latarnjami wót stareje Slěpjańskeje šule až na Lipowu drogu. Zeger sedymich wjacor su pón wogeń zapalili. Teke jěšnice a měso su tam wopjakli, tomu, se rozmějo, až teke piwo jo było na pśedań. Tak jo se tam, w tej nocy rozwjaseliło 150 luźi zbliska a zdaloka. Ale z tym njejo ten swěźeń hyšći był wótbyty. Młoge ga su pśišli teke na stajanje majskego boma źeń pózdźej. Pěś bomow su k tomu južo pśed šesć lětami pódrubali, kuždy 19 mejtarjow wusoki. Derje połožony jo se jaden taki škrjok tenraz stajił. A pśityknuli su se na njen teke wót Slěpjanaŕkow wupyšnjone girlandy. W juniju něnto coju lětosny majski bom pódrězaś.