Z Chóśebuza/Cottbus. Dłujke lěta jo był nałog, až młode luźe ze serbskich jsow se póraju do Města, kóńc tyźenja pó jatšach. Tej sobośe a njeźeli se groni „małe jatšy“ (w srjejźnej a Górnej Łužycy „młode jatšy“). Tam jo był wjasoły ruš, ga „Albinus-Markt“ (Albinus jo patron Chóśebuza, wót togo pśiźo to mě). Pšawy jermank jo to był, źož su pśepórali jatšowne pjenjeze. Srjejźnej generaciji su hyšći raz pśišli kmótšy.

Tej tradiciji jo se něnto pśizamknuł swěźeń w Měsće, serbski ruš k małym jatšam, kótaryž jo Dolnoserbska kulturna akademija organizěrowała. Sobotu wjacor su zachopili z koncertom serbskeje kapały „Kula Bula“ a „Trio Scho“. We tom slědnem muzicěruju Ukrainske, kótaraž su žywe w Nimskej. Astrid Schramina, kótarež źěła za tu kulturnu akademiju, jo groniła: „Jo był rědny wjacor, jadnab 60 gósći jo było. Ako ‚Trio Scho‘ jo grał, jo było kradu emocionalne, w publikumje ga su teke byli Ukrainarje.“