Z Noweje Jsy/Neuendorf. Tudy maju zasej mlokowu ławku. Pśed wěcej ako źaseś lětami su slědnu tych něga raz styrich ławkow wótpórali. Na iniciatiwu wobydlarjow a jich pósćiwankow jo se toś taki casowy znank wejsańskich stawiznow na awtentiskem městnje na Głownej droze stajił. Heinz Nowak (Noack) jo pśišeł na tu ideju a nawabił za ten projekt 27 luźi. Wóni su pósćili pjenjeze a druge trjebne wěcy. Napśeśiwo jogo domoju blisko pomnika togo w Nowej Jsy roźonego serbskego mólarja Fryca Latka jo se mlokowa ławka natwariła, mjazy drugim wót Uwe Zimmermanna.