Z Hažowa/Haasow. Beyerojc brožni we tej jsy jo woblubowane zmakanišćo. Cesto „pilgruju“ lubowarje strusow a wuměłstwa do njeje, aby zběrali ideje za wugótowanje zagrody a bydlenja. Wušej togo mógu how nakupowaś, a dostanu accessoiry a rostliny. Prědne póbitowanje lěta jo pśecej z jatšowneju temu. Tak jo teke lětosa było. Sigrid Beyerowa a Renate Meißnerowa stej wezełej hunderty swójich pyšnjonych jatšownych jajow, k tomu rane kwětki, jatšowne wuchace a su wšykno zestajili ako dekoraciske kupki.