Z Dešna/Dissen. Młoźinski aktiw Domowiny jo 30. měrca gromadu stupił, w dešańskem muzeju. How su wšake pśepowědali, jajowy liker pśigótowali, jaja mólowali, slědk glědali na zapusty a doprědka glědali na jatšy. Dalšna tema jo była jich zgromadny wulět, młoźinski koordinator Tobias Unger jo naraźił, ab se te młode gólce a maruše pśemyslowali, źo ga kśě hyn. Droga mógała je wjasć do Krabatowego młyna abo do Pólskeje. Dalšna opcija jo, se zmakaś z młodostnymi w Górnej Łužycy abo z Pólskeje.