Uniwersita w Lipsku ma staru tradiciju wuwucowanja serbskeje rěcy. Źinsajšny źeń su serbska rěc, serbske stawizny a literatura wjelgin zajmna tematika za nimskich ako teke za wukrajnych študańcow, ako w Lipsku studěruju. Na kurs serbšćiny za nimskorěcnych študańcow se kužde lěto pśizjawja 12 do 18 luźi. Cogodla su se rozsuźili studěrowaś serbsku rěc a wótkul jo jich zajm pśišeł, smej se wopšašałej něgajšnych a źinsajšnych lipšćańskich študańckow a študańcow.
Yuki z Japańskeje
Mě se groni Yuki Uesaka, studěrujom nimšćinu na uniwersiśe japańskego města Aichi a som w Lipsku pśebywał cełe lěto ako Erasmusowy študańc. Njejsom dokradnje wěźeł, źo Serby bydle. Ale ako som do Lipska na studium w ramiku ERASMUSowego programa pśišeł, som južo wěźeł, až cu kusk serbski nawuknuś, dokulaž stawizny Serbow su za mnjo wjelgin zajmne. Se wě, až serbšćina njama rowno tak tšašnje wjele powědarjow. Ale ja wiźim wjelike móžnosći za linguistow a wósebnje za pśirownujucu rěcywědu na pólu serbšćiny. Nejwažnjejše jo, až ta rěc se dalej powěda.
Joel z Kassela