Mjeńšynow dajo wjele w Europje, na kontinenśe drje njejo kraj, źož jo jano jaden jadnaki lud jo žywy. Młogi raz su wětše kupki ze wšakimi rěcami w jadnom kraju. W drugich jo jano jadna mała mjeńšyna. Pla młogich mjeńšynow eksistěrujo drugi kraj, źož rěc teje mjeńšyny jo rěc wětšyny. To płaśi na pśikład za korutańske Słowjeńce, kótarež ga su žywe w Awstriskej. Serby w Nimskej, Kašuby w Pólskej abo Pomaki w Bulgaŕskej njamaju taki drugi kraj, źož jich rěc se powěda. Frize a Sami su doma we wšakich krajach, a niźi njejsu wětšyna wobydlarjow. We wšyknych krajach su wěste kupki nowych, zasedlaŕskich abo migraciskich luźi. Dajo pśisamem pśecej wětšynowu towarišnosć a mjeńšynowu abo mjeńšynowe zgromadnosći. Rědko maju mjeńšyny te samske móžnosći wuwiśa ako ta wětšyna, což na pśikład nastupa šule. Togodla su ludy, kótarež su něźi mjeńšyna, se organizěrowali we zwězku, kótarež źěła w cełej Europje. To jo FUEN, Federaciska unija europskich narodow. Wóna ma běrowy we Flensburgu (Flensborg/Flansborj/Flensborag/Flensborre), Barlinju a Brüsselu (Bruxelles).