Z Běłeje Wódy/Weißwasser. Hanzo Klei jo mólował radnu kopicu wólejowych wobrazow, źož pokažo zgubjone, to groni: znicone krajiny Mužakojskeje góle. Wšykne njejo za sebje sam wóstajił, ale jo je pśedawał abo darił luźam. Wót tych wobrazow jo pak rad kśěł měś spomnjeńku teke na te stwóŕby, kótarež sam wěcej njewobsajźijo. Jomu stej pomagałej Andreas Scheffer a Marcus Henšel. Jadnab 400 wobrazow jo Klei mólował, źož Zwěrjeńc zagroda jo wiźeś, 250 wót nich jo pšec dał. Andreas Scheffer jo w běgu lětowu kontaktěrował wobsejźarje tych wobrazow, jo k jim woglědał a wšykno wótmólował. To jo radne źěło było, jo Andreas Scheffer wulicował ako Nowy Casnik jo k njomu woglědał w domacnej Běłej Wóźe. Ale něnto su wobraze zgromaźone w knigłach „Verlorenes Idyll. Erinnerungen an zerstörte Landschaften der Muskauer Heide in Ölgemälden von Hans Joachim Klei.“ Tśeśi we tej runźe, kótaraž stoj za tymi knigłami, jo Markus Henšel. Wón bydli w pódwjacornej Nimskej a jo wobstarał te techniske aspekty pla nastaśa kalendarja a knigłow. Wjele štundow dłujko jo wón wótmólował te stwóŕby Kleija.