Z Husa/Maust. To budu wóni ze swójich mjacow radlice, a ze swójich kopjow serpy nagótowaś. Pśeto wóno njebuźo žeden lud na ten drugi ten mjac huśěgnuś, a njebudu dalej wěcej nahuknuś wójowaś. (Jesaja 2/ Micha 4,3)

Kake kšasne sady z biblije! Hunderty lět stare, hunderty lět stara naźeja. Młogemu wót nas su wóne sady drje w tšošku drugej formje znate z togo wót NDR zakazanego našywka cerkwinego měrowego gibanja „Schwerter zu Pflugscharen“. Pśichylony póstawje sowjetskego zastarja Jewgeni Wutšetić. Tu jo tencasny sowjetski zwězk darił zgromaźonym mócnaŕstwam w New Yorku, źož jo wót lěta 1960 wiźeś.

Realita pak wuglěda w młogich krajach našeje zemje bóžko hynac – wójna w Europje! Pśikazana wót diktatora a jogo zwólniwych pomocnikow. Tužyca nadpadnjoneje Ukrainy jo njepśeměrna. Jo to kradučko cłowjeski akt, wónym śerpjecym luźam pomogaś. Napominanje wót Markusa Muchy z ewangelskeje wósady Picnjo/Hochoza zaměrnje zběraś pomocne wóry jo było słyšaś teke w Husu.