Z Chóśebuza/Cottbus. Sobu to nejwažnjejše, což jo nowy politiski cas pó lěśe 1989 wunjasł Serbam w Dolnej Łužycy, jo ten Serbski dom/Wendisches Haus na Awgust-Bebelowej droze w měsće. Z lěta 1990 ten mamy. Domyslimy se: južo w januarje 1990 su załožyli iniciatiwnu kupku ze styrimi serbskimi žeńskimi za załoženje Serbskego domu. Na zgromaźinje měsćańskego parlamenta jo było jo grono wo tom rowno tak ako pśi Kulowatem bliźe. A teke Chośebuski wušy šołta Waldemar Kleinschmidt jo to mócnje podpěrował.

A glědaj, na kóńcu jo było w krotkem casu jasne, až taki Serbski dom buźo. Koncepciju za ceły dom su wuźěłali, za což stej se mjazy drugim starałej Maks Šurman, kenž jo tegdy źěłał pśi wobwodnej raźe, a Harald Koncak, zastupny pśedsedaŕ Domowiny. Južo 15. decembra su wuswěśili klubownju ze serbskeju gódownicku za źiśi z Janšojskim bogom, a kóńc maja 1991 jo Domowinska župa Dolna Łužyca how pśewjadła swóju prědnu głownu zgromaźinu. W tom casu jo teke nowa Dolnoserbska biblioteka wótcyniła swóje źurja.