Lorenz Krauße, Thomas Nattke a Tom Kuchling (wótlěwa) z młoźinskeju šefowku Iben Lotric.

Teke tudy njejsu mógali swěśiś tradicionelny młoźinski zapust. Pśed mjasecom pak jo se pśedsedaŕstwo wejsneje młoźiny něco wósebnego wumysliło. Hochoska młoźinska šefowka Iben Lotric, Tom Kuchling, Lorenz Krauße a Thomas Nattke z pśedsedaŕstwa su 5. februara kólasowali pó jsy, aby se wuźěkowali wěcej ako 16 pódpěrarjam młoźinskego zapusta. Młoda šefowka jo była w šlajchtnej serbskej drastwy a muske su měli woblak a tradicionelnje wupyšnjone zapustowe kłobyki.