Z Cazowa/Zahsow. Serbska spisowaśelka Marjana Domaškojc by měła 28. februara swój burstak. Na tom dnju jo se wóna naroźiła pśed 150 lětami. Ku tej góźbje jo Domowinska župa Dolna Łužyca pšosyła na kjarchob w Cazowje, aby cesćili tu sławnu serbsku žeńsku. Wóna jo organizěrowała dopomnjeńske zarědowanje pśi Domaškojc rowje w Cazowje. Dla pandemije jo se jano w małem krejzu spominało na žywjenje a statkowanje Marjany Domaškojc.
Tak jo župan Pětš Šurman wuzwignuł Domaškojc zasłužby ako prědna Dolnoserbowka, ako jo w lěśe 1929 napisała źiwadłowe graśe w maminej rěcy. „Wóna a jeje sotša Liza se zasłužijotej cesnu toflu na teritoriumje gmejny Gołkojce, nejlěpjej w rodnej jsy Cazow“ jo Šurman gronił.
Chójź pó pšawej droze, pón se žednje njezabłuźiš!
– Dopomnjeśe z mójich młodych lět –