Z Města/Cottbus. Dnja 11. apryla se zachopijo drugi serbski kurs za źiśownice w Šuli za dolnoserbsku rěc a kulturu. Tam su hyšći liche městna za pedagogow, kótarež kśě wót apryla 2022 až do měrca 2023 wuknuś serbsku rěc za dwójorěcnu komunikaciju w pśedšulskem a hortowem wobłuku. To koordiněrujo wokrejs Sprjewja-Nysa. We kursu worduju zakłady serbskeje rěcy wucone, wósebnje fonetika, wobroty wšednego dnja a gramatika. To budu intensiwne tyźeńske module we ferijach. Wušej togo buźo pětk pšawidłowny dnjowny program. Wón wopśimjejo sedym góźinow wucby. Pó wuspěšnem wótzamknjenju tych 380 góźinow změju wobźělniki rěcny certifikat na niwowje A2. Certifikaciju pśewzejo Rěcny centrum Witaj pó zgromadnem europskem referencnem ramiku. Późěl kursowych kostow pśe-wzejo Bramborske ministaŕstwo za kubłanje, młoźinu a sport (MBJS). Wótkubłaŕkam ze źiśownjow we wokrejsu Sprjewja-Nysa zapłaśijo ten wokrejs te zbytne płaśonki. Interesenty mógu se až do 8. měrca 2022 pśizjawiś pla Kerstin Schulcoweje (035 62/986-10 303 abo k.schulz-dezernat3@lkspn.