Pśed lětoma som woglědała we zapustowem casu do města Mohács w Hungorskej. Wóno lažy na pódpołdnju kraja blisko serbiskeje a chorwatskeje granice. Město pśi Dunaju pśiśěgnjo kužde lěto towzynty woglědarjow z cełego swěta. Wóni kśě dožywiś zajmny zapustowy nałog, kótaryž słuša wót lěta 2009 k imaterielnemu swětowemu kulturnemu derbstwoju UNESCO a se wobrubjujo z wjelesymi wšakorakimi kulturnymi zarědowanjami, wuběźowanjami, koncertami a pśedstajenjami folklornych kupkow.