Pówitanje jo wěc, ako se we wšakich kulturach rozeznawa – glědajucy na zwisujuce rituale, glědajucy na to, co se groni. We Irskej njejo to tak typiske, až k pówitanju tomu drugemu ruku dajoš – teke južo pśed pandemiju njejo to tam zwuconosć była. Jano k wósebnym góźbam někomu ruku tśěsoš, ako znamje gratulacije, pśipóznaśa abo tak. Póšk na lico, kenž jo (abo jo był pśed pandemiju) w Nimskej rozšyrjony, tek skerjej njej typiski we Irskej.