Z Brüssela. Wałtoru, 8. februara, jo Serbski sejm w Brüsselu prezentěrował iniciatiwu „Lusatia Glow“ (serbski: „Łužyske swěśenje“), což jo mógła zjawnosć digitalnje, ako livestream, pśeslědowaś. Za tu iniciatiwu su se zgromaźili zjadnośeństwa Serbski sejm, Łužyskej aliancy w Českej a Pólskej pódla dalšnych europskich partnarjow, kótarež su za to z mjazynarodneju załožbu Slavonic Europe w Brüsselu, ak se zasajźujo za zwězanje wšych słowjańskich etnijow w Europje, do kontakta pśišli. Cil jo, pśezgranicnu mjeńšynu Serbow etablěrowaś ako pśikład a městno za wuspěšny model europskeje integracije. Pśi tom jo iniciatiwa wusměrjona na zgromadne źěło mjazy Nimskeju, Českeju a Pólskeju, na widobnosć Serbow a jich politiske a kulturne zmócnjenje we tych krajach.