Z Damneje/Dahme. Drugi februar jo był zachopjeńk nowych pśistajen-jow a wupowěźenjow celaźi a pśistajonych. Wjasołe marki su znate byli, źož su pjakli wafle we zelezach, jim se groni nimski „Klemmkuchen“, „Eiserkuchen“ abo „Iserkuken“. Nałog jo se w Łukowje hyšći do casa korony źaržał. Z města Damneje na pódwjacor wót Łukowa jo wósebny recept znaty. How jen pśedstajijo Tilo Wolf, wjednik tamnego domowniskego muzeja.

„Iserkuken“ su wósebne pjaconki z Fleminga. Wóni su wósebnje woblubowane w spótnem casu abo pśi familijowych swěźenjach. Wót źo wóni póchadaju, njej jasnje. Pó wšym zdaśim su Flamy ten recept sobupśinjasli, wóne luźe su w 12. stolěśu pśišli do Fleminga. Wót nich ma Fleming teke swójo mě. Flamy su pśinjasli swóje tradicije a teke to pjacenje tych „Iserkuken“ sobu ze stareje domownje.

Nejjěsnjejšy wobraz, źož wóne pjaconki su wótmólowane, jo wiźeś na „Der Streit des Karnevals mit dem Fasten“ wót Pietera Bruegela, kótaryž jo z 16. stolěta.. Južo w lěśe 1477 jo se pisało wó „Klemmkuchen“ w Wytparkskem registerje stśělarjow.