Ze Žylowa/Sielow. Wót łońskego Nikolausa su se wukniki drugeje rědownje tudskeje zakładneje šule zaběrali z tekstami za ptaškowu swajźbu. Až su je pilnje nawuknuli, gromaźe z hortowymi wótkubłaŕkami, jo se pokazało, ako su pśedstajili ten nałog w awli šule „Lutki“. Dwa gólca stej moderěrowałej, Clemens w nimskej a Lennard w serbskej rěcy. Lětosa stej małkemu publikumoju teke prezentěrowałej wšake teksty. Dla korony njejsu směli se daniž starjejše, daniž sobuwukniki a druge gósći se woglědaś ptaškowu swajźbu 2022. Jano źiśi, z kótarymiž su grajuce pśebywali wjele casa w horśe, su byli publikum. Su musali nosyś nagubki, weto su pózdźej dostali słodkosći wót pódružkowu. Johanna jo we tej roli powědała w nimskej a Wanda w serbskej rěcy.

Za pśedstajenje źiwadłowego graśa „Carny woblak“ w ramiku togo graśa njejsu źiśi mógli wjele zwucowaś. Chórosći dla su to mógali akle w pjerwjejšnyma tyźenjoma, weto su byli pilne.