Z Města/Cottbus. Rowno tak ako wšykne druge komuny we Łužycy ma se teke město Chóśebuz wjelgin mócnje běźiś z koronu, a to nic jano we wjelikem klinikumje a w šulach, ale teke na młogi drugi part. To jo se teke pokazało slědny tyźeń srjodu na 25. pósejźenju měsćańskego parlamenta w Měsćańskej hali. Markus Niggemann, decernent za finance (CDU), jo w nadawku wušego šołty wósebnje wopisował tu situaciju, až w Chóśebuzu se wjele luźi cesto wuchójźujo, pśeśiwo napšawam dla korony a pśeśiwo tomu, až buźo šćěpjenje za wšych winowate a kšuśe pominane. Kuždy ma za to to pšawo, ale musy se zdźaržaś pśi tom na wěste póstajenja. To groni, až deje byś pśipowěźone, howac ga su ilegalne. Policaja to kontrolěrujo a pśewóźujo, cyni to „mit Fingerspitzengefühl“, což jo pak pla wšakich wubuźiło cwiblowanje.