Pśed gódami su zwězkowy kraje a Nimska hyšći raz wobnowili 3G-regule na źěłowem městnje. Sćelak RBB jo pak 27. decembra k wěsći dał, až za wšyknych jogo sobuźěłaśerjow buźo płaśiś wót 1. januara 2022 ta 2G-regula w rumach a w jězdźidłach RBB. To groni, až jano šćěpjone abo wustrowjone wósoby směju we RBB-rumnosćach źěłaś, negatiwny test wěcej njedosega. Chtož njama wótpowědny wupokaz musy mobilnje źěłaś. Z tym ten sćelak sam se póra na wósebnu, pśiwóstśonu drogu we aktualnej pandemiskej situaciji. Wót teje pśiwóstśoneje drogi jo pótakem teke serbska redakcija – ga redakcija wót Bramborskego serbskego radija RBB – pótrjefjona. Toś jo Casnik zajmowany, wót serbskich sobuźěłaśerjow a sobuźěłaśeŕkow RBB wěcej wó jich aktualnej źěłowej situaciji zgóniś. Na pšašanja wót Jill-Francis Ketlicojc jo wótegroniła zagronita Bramborskego serbskego radija Marion Stenselowa.
Cogodla jo sćelak RBB póstajił 2G-regulu w swójich rumnosćach a jězdźidłach?