Tema pjenjeze – ta pasujo k progoju lěta, pśeto pó tradiciji se jě karpa na slědnem wjacorje lěta. Wót teje ryby su wobchowali pjeraso abo su se ceslinu do móšyny tykali, aby měli dosć drobnych pjenjez pśez nowe lěto. Něga su to byli hynakše pjenjeze ako něnto.
Za młodych luźi w Nimskej jo to źinsa normalny wšedny źeń, až maju cyniś z euro-pjenjezami abo euro-centami. Starša generacija znajo hyšći cele druge pjenjeze. Pśedewšym wobydlarje a wobydlaŕki sowjetskeje wobsadniskeje cony a pózdźejšeje DDR su musali se pśecej zasej k nowym pjenjezam a bankowkam – raz z kuponom, raz mimo kupona – pśiwucyś.