Z Budyšyna/Bautzen. 20 wjedujucych zastupnikow serbskich institucijow jo pśedsedaŕ Domowiny, Dawid Statnik, 2. decembra na digitalnem zmakanju witał. Mjazy drugim su se intensiwnje wuměnili wó wobchadanju z pandemiju, ak jo rozdźělny how a tam. Sabina Siegowa, zastupna direktorka Załožby za serbski lud, jo k wěsći dała, až jo se lětosnu dolnoserbsku Schadowanku wěcej ako 700 luźi woglědało – wěcej ak na prezencnych zarědowanjach.

Powědali su na lětnem zmakanju tek wó znowskich wjeraškach. Mimo někak 30 zarědowanjow w „Lěśe Zejlerja a Kocora“ planujo se za lěto 2022 mjaz drugim 22. maja konferenca sorabistiki ku góźbje pśesunjonego wóswěśenja 70. wrośenice jeje załoženja. Za 18. junij planujotej LND a Serbski ludowy ansambel Poetry Slam w Budyšynje. Wót 2. oktobra co Serbski muzej w Budyšynje rěd wustajeńcow k 100. smjertnemu dnju wuměłca Jana Buka wótwóriś. Tek 70 lět Dolnoserbskego gymnaziuma w Chóśebuzu deje w nazymje 2022 wósebny program měś.