Chóśebuz/Cottbus. Wědomnostne towaristwo Maśica Serbska jo lětosne Myto Bogumiła Šwjele pósćiło 19lětnej Saskiji Krügerojc z Myšyna za jeje pisne źěło w serbskej rěcy wó šlodarce serbskeje drastwy Pawlinje Krawcowej. [P. Krawcowa jo wordowała za swój serbski angažement a za zjawnu kritiku na statnej politice pśimjeta a do popajźeństwa sajźona. Tam jo schórjeła a jadno lěto pó wupušćenju wumrěła].