Na demonstracijach zachadnych tyźenjow su tysace luźi wugronili swóju njespokojnosć z napšawami kněžaŕstwow na wšakorakich rowninach za wobgranicowanje rozšyrjenja korona-wirusa. Wjeliki źěl teje njespokojnosći jo tomu winowate, až móžoš wu nas twóju abituru z jadenku złožyś, lěcrownož sy biologiju a stawizny wótwólił. Howac njeby ministaŕ za strowotu dr. Karl Lauterbach dnja 12. decembra 2021 wobtwarźiś mógł, až njemuse se luźe z tśeśim šćěpjenim („booster“) pśez koronu dalej na wirus testowaś. Ministaŕ mysli se, až njamógu wóni wirus dalej dawaś. Až strowotniske instance testam njedowěriju, wiźiš na tom, až „fryšny“ negatiwnje testowany musy weto nagubk nosyś. Pópšawem móžo wirus jano něchten dalej dawaś, kenž jen we sebje ma.

Som 1977 pśedmjata biologiju a stawizny z jadenku wobzamknuł. Togodla dowóliju se how, někotare fakty naceriś. Pśed 15.000 lětami su luźe zachopili póla wobźěłaś, zbóžo a swinje kubłaś. Tencas su wiry gripy, swinjeceje a gowjedoweje mrětwy na cłowjeka pśeskócyli.