Z Města/Cottbus. Sobotu, 27. nowembra 2021, jo pśewjadło Spěchowańske towaristwo za serbsku rěc w cerkwi (STSRC) swóju lětnu głownu a zrazom wuzwólowańsku zgromaźinu. K prědnemu razoju su se zejšli cłonki towaristwa w Serbskem wósadnem zmakanišću w Chmjelowje. Do zgromaźiny jo dr. Hartmut Leipner, pśedsedaŕ STSRC, pokazał zajmcam rumnosći, kótarež spěchowańske towaristwo najmujo ako běrow, archiw a schadowaŕnja w něgajšnem faŕskem domje na W. Rathenauowej droze.