Z Lipska/Leipzig. Wót měrca 2021 źěła Institut za sorabistiku w kooperaciji z Rěcnym centrumom WITAJ (RCW) na dolnoserbskej wersiji mobilneje aplikacije k wuknjenju rěcow z mjenim „ling“. App jo jaden wót wušej 160 digitalnych produktow pśedewześa „Simya Solutions“ z Thailandskeje, ako ma 16 pśistajonych sobuźěłaśeŕkow a sobuźěłaśerjow. Dogromady wěcej ako 60 rěcow móžo se z pomocu ling wuknuś, a to pśedewšym aziske (mjazy drugimi malayalam, birmanišćina a khmer) a europske rěcy (mjazy drugimi słowakšćina, estnišćina a litawšćina). Donapóranje alpha-wersije za dolnoserbšćinu jo planowane za lěśe 2022.