340 mio euro kśě
znowa wudaś
Z Baršća/Forst. We wokrejsu Sprjewja-Nysa wěźe, kak buźo etat za pśiduce lěto wuglědaś. Dogromady 340 milionow euro kśě wudaś, z togo něźi połojcu za nadawki na socialnem pólu a za źiśi a młoźinu. Teke za personal a za šulski transport trjebaju znowa wěcej pjenjez.
Bóžko pak jo tak, až buźo wokrejsoju něźi 17 milionow euro felowaś, a to groni, až deje zasej braś dalšny kredit. Njeglědajucy na taku situaciju njekśě mjenjej pjenjez wudaś za dobrowólne wugbaśa (freiwillige Leistungen) wósebnje za kulturne źěło. Tak dostanu muzeje a domowniske a burske śpy we wokrejsu tak ako lětosa zasej 350.000 euro.
Kuždy źasety jo
měł koronu
Teke we wokrejsu SPN móse se wjelgin běźiś z koronu. Incidenca jo dalej wušej 1.000. Dotychměst jo we wokrejsu wušej 14.000 luźi schórjeło w pandemiji. To groni, kuždy 10. wobydlaŕ w chóśebuskich, grodkojskich, gubinskich a baršćańskich stronach. Něnt jo tak, až kuždy źeń 300 do 400 nowych pozitiwnych padow k wěsći daju – we wjelikej licbje teke ze šulow a źiśecych zagrodkow.
Firma z Budyšyna twari šulu w Gołkojcach