Drježdźany/Dresden. Ministarski prezident Lichego stata Sakska Stanisław Tilich jo gano pśiwitał zastupnikow Serbow w statnej kanclaji w Drježdźanach. W góźinskem rozgronje su mjazy drugim pówobjadnali pśichod brunicowego regiona w serbskem sedleńskem rumje a pśedłogu nowele za saksku šulsku kazń.
Domowina jo k noweli zapódała swójo stojnišćo, kótarež jo se w šyrokej měrje sobu zapśěgnuło. Pśedłoga kněžarstwa za saksku šulsku kazń pśedlažy tuchylu krajnemu sejmoju. W rozgronje zastupnikow Serbow z ministarskim prezidentom jo šło dalej wó źěło mjeńšynowego sekretariata a procowanja wó pśipóznaśe zakładneje papjery „Charta-rěcy w Nimskej – zgromadna zagronitosć“. Pó zmakanju jo pśedsedaŕ Domowiny Dawid Statnik gódonośił: „Sakska jo nam spušćobny partnaŕ za lěpšu pódpěru serbskego luda. Cesćim sebje dobre a wěcowne zgromadne źěło. How se njejadna jano wó dopołnjenje kaznjow, ale to jo wo-pšawdu nastupnosć našogo kraja. Za to mójo pśipóznaśe.“