Z Weimara/Weimar. Młogim serbskim turistam jo zawěsće južo nadpadnuło, až su „Wenden“ teke zwenka Łužyce znate byli. Nic jano we něga połobskich stronach Limborskeje (Lüneburger Wendland) starcyjomy na to „wendiske“ derbstwo, na pśikład we mjenjach drogow a městnow.

W tencas słowjański wobsedlonem źělu Nimskeje, teke znaty ako „Germania Slavica“, su Słowjany (lěc Serby abo nic) casy stolěśa dłujko paralelnje a gromaźe z Nimcami žywe byli. Pódobnje pomjenjenjeju „Welsche“ za romaniskich susedow Nimcow na pódwjacor, jo se na pódzajtšo a na pódpołdnjo mě „Wenden“ etablěrowało.

Tak jo to teke było w Durinskej. Źinsajšny měsćański źěl Gery, Windischenbernsdorf, znani wó tom, tak ako Windischleuba blisko Altenburga. We Erfurtskej dajo „Wendenstraße“, na pódpołnoc města Apolda póchada mě historiskeje „Weinstraße“ teke wót „Wendenstraße“ a w starem měsće Weimara dajo „Windischenstraße“.