Z Dolnego Wujězda/Uhyst. We wobydlaŕskem domje jo se slědny pětk wótwóriła spomnjeśa gódna wustajeńca. Jeje tema: „Serbske žywjenje we a wokoło Dolnego Wujězda pśi Sprjewi“. Wustajeńca jo jadna kšoceń, aby wobydlarje města sebje zasej wuwědobnili dwójorěcne kórjenje swójog regiona. Pśibytne su byli zastupniki serbskich institucijow, mjaz drugim casnikaŕski powědaŕ Domowiny Marcel Braumann a Sonja Rehorjowa, regionalna powědaŕka wórjejcańskeje Domowinskeje kupki „Handrij Zejler“. Wobej stej „dwójna špica“ teje kupki. Mimo wobydlarjow Dolnego Wujězda a wokolnych jsow stej tam tek dr. Lubina Malinkowa z Rakec (Königswartha) a Lucian Kaulfürst z Budyšyna pśišłej, a se wě, až teke iniciatory wustajeńce su pódla byli.